Каучи избоде шест лица до смрт и повреди најмалку 11 пред да биде застрелан од инспекторката Ејми Скот, која самата се соочи со него
Човекот што вчера избоде шест лица до смрт во Сиднеј имал историја на проблеми со менталното здравје и нема индикации дека идеологијата била мотивот зад нападот во трговскиот центар, соопшти полицијата.
Напаѓачот, идентификуван од полицијата како 40-годишниот Џоел Каучи, ѝ е познат на полицијата во соседниот Квинсленд и полицијата разговарала со неговото семејство по вчерашниот напад, соопшти полицијата на Нов Јужен Велс и Квинсленд. Семејството го препознало и стапило во контакт со полицијата откако ја видело веста за убиствата.
„Кога семејството ги виде снимките од настанот на телевизија, помислиле дека можеби е нивниот син и ги контактираа властите“,
изјави Роџер Лоу, помошник полициски комесар во Квинсленд.
Каучи избоде шест лица до смрт и повреди најмалку 11 пред да биде застрелан од инспекторката Ејми Скот, која самата се соочи со него.
Како што објави news.com.au, тој се огласувал на Интернет како машка придружба. Од 17 лица што ги избодел, 14 биле жени.
Спиел во автомобил, неодамна се преселил во Сиднеј
„На Каучи му биле дијагностицирани проблеми со менталното здравје кога имал 17 години и бил во чест контакт со полицијата во последните четири до пет години. Тој немал постојано место на живеење, неодамна спиел во својот автомобил и ретко бил во контакт со мајка му преку СМС-пораки“,
рече Лоу, додавајќи дека Каучи неодамна се преселил во Сиднеј.
Полицијата соопшти дека го пребарала малиот простор за складирање што тој го изнајмил, но не нашле докази што укажуваат на тоа дека планирал напад.
Меѓу шестемина убиени има и чувар на трговски центар, соопшти полицијата. Меѓу оние што се пренесени во болница со убодни рани има и деветмесечно бебе кое е во тешка, но стабилна состојба, додаваат тие. Ешли Гуд, мајката на бебето починала во болница од здобиените повреди, соопшти нејзиното семејство.
* Поврзани вести:
- (ВИДЕО) Го запревме крвавењето со облека од продавница: Хероите што спасија избодено бебе во трговски центар во Сиднеј открија детали од драмата
- (ФОТО+ВИДЕО) Мајка и бебе меѓу повредените во нападот во трговскиот центар во Сиднеј, се шират фотографии од лице за кое се тврди дека е напаѓачот
- (ВИДЕО) Напад во трговски центар во Сиднеј, најмалку четворица загинати, стотици евакуирани