На социјалните мрежи се шират снимки и фотографии од лице, за кое се тврди дека е напаѓачот, како прободува луѓе во трговскиот центар „Вестфилд бонди џанкшн“ во Сиднеј
Повеќе луѓе се избодени со нож во популарен трговски центар во Сиднеј, меѓу кои и бебе и нејзината мајка, јавуваат австралиските медиуми.
Нападот се случил во саботата попладне нешто пред 16 часот по локално време.
На социјалните мрежи се шират снимки и фотографии од лице, за кое се тврди дека е напаѓачот, како прободува луѓе во трговскиот центар „Вестфилд бонди џанкшн“ во Сиднеј.
Џејсон, еден од купувачите евакуирани од центарот, изјавил за австралиски „9 њуз“ дека го видел наводниот напаѓач како во раката држи голем нож.
Стотици луѓе беа евакуирани од трговскиот центар по инцидентот, објави новинската страница news.com.au. Државната телевизија Еј-би-си објави дека некои луѓе се заробени внатре.
This man is an actual superhero. He saved hundreds of lives by blocking attackers who had already hurt multiple people at Sydney’s Westfield Bondi Junction mall. Unfortunately, reports say that some people lost their lives. #BondyJunction #Sydney pic.twitter.com/hmH7TcA6lX pic.twitter.com/AV6kPPlTn6
— Ullas Umesh Hunka (@UllasHunka) April 13, 2024
Брзата помош во Нов Јужен Велс потврди дека седум лица биле пренесени во градските болници, вклучително и едно бебе кое било пренесено во детска болница.
Полицијата соопшти дека напаѓачот бил застрелан. Наводно се убиени четири лица, а не се знае дали меѓу нив бил и напаѓачот.
„Се повикуваат луѓето да ја избегнуваат областа. Истрагата за инцидентот е во тек и нема дополнителни детали“,
се вели во соопштението на полицијата.
Двајца сведоци изјавија за Ројтерс изјавиле дека слушнале истрели.
„И 20 минути откако луѓето беа извадени од трговскиот центар, видов специјалци како ги чистат околните улици“,
изјавил еден од сведоците.
Еден сведок рекол дека виделе жена како лежи на подот, а потоа се засолниле во златарница.
Државната полиција на Нов Јужен Велс соопшти дека полициската операција е во тек, но не соопшти повеќе детали.
На неколку објави на социјалните мрежи можеше да се види толпа луѓе кои бегаат од трговскиот центар, а полициски возила и служби за итни случаи брзаат кон областа.