Во Хрватска е потврдено присуството на чешката мутација на коронавирусот, соопшти тамошниот Институт „Руѓер Бошковиќ“.
Претходно беше потврдено дека во Хрватска се идентификувани бразилската, њујоршката, британската и јужноафриканската мутација на коронавирусот.
Професорот на загрепскиот ПМФ, Кристијан Влаховичек, за хрватскиот јавен сервис ХРТ изјави дека уште во февруари од 70 примероци, претежно од КБ „Дубрава“ во соработка со професорот Вранеш од Хрватскиот наставен завод за јавно здравство „Андрија Штампар“, чешката мутација била изолирана во 20 проценти од примероците.
„Чешкиот вид е комбинација на мутации од шкотската и британската варијанта на коронавирусот. Бидејќи има голем пораст на бројот на заразени луѓе во Чешка и Словачка, тие ја пријавија оваа нова мутација на вирусот SARS-CoV-2“,
изјави професорот Влаховичек.
Сè уште не се знае многу за заразноста на чешката мутација, но се следи растот на овие мутации на вирусот.