„За жал, и покрај максималните напори на медицинските тимови, животот го загуби 17-годишниот пациент со изгореници и тешки телесни повреди“, велат од КАРИЛ
Почина 17-годишниот тинејџер од Волково што на 16 јануари доживеа струен удар додека бил качен на цистерна-вагон.
„За жал, и покрај максималните напори на медицинските тимови, животот го загуби 17-годишниот пациент со изгореници и тешки телесни повреди“,
велат од КАРИЛ.
Пациентот, додаваат оттаму, бил третиран мултидисциплинарно од специјалисти од пластична и торакална хирургија во единицата за интензивно лекување, земајќи ги предвид резултатите од сите испитувања, параметрите и неговата исклучително тешка здравствена состојба.
Момчето, како што рекоа од Министерството за внатрешни работи (МВР), по инцидентот доживеало струен удар додека било качено на цистерна-вагон на пругата во скопската населба Кисела Вода. Според МВР, во инцидентот цистерната се запалила, а момчето со Итна помош било пренесено во Ургентниот центар.
Засега не се познати причините за несреќата.
Во сличен инцидент во февруари 2023 година, во скопски Илинден почина 14-годишно девојче, откако качено на вагон, доживеа струен удар по допир на жица за струја со висок напон.