Сегашните бројки се околу 440 проценти повисоки од 56 .000 случаи дневно пријавени во просек помеѓу 18 и 24 ноември 2021 година, кога омикрон сојот на коронавирусот беше откриен во Јужноафриканската Република и Боцвана
Повеќе од три милиони новозараени со коронавирус дневно се пријавувани во просек во светот помеѓу 13 и 19 јануари, или петпати повеќе отколку на крајот на ноември кога се појави сојот омикрон Во изминатите седум дена во просек биле пријавени 3 095 971 случај на ден, што е зголемување за 17 отсто во однос на претходната недела.
Ширењето на сојот омикрон, предизвика нагло забрзување на пандемијата во последниве недели: сегашните бројки се околу 440 проценти повисоки од 56 .000 случаи дневно пријавени во просек помеѓу 18 и 24 ноември 2021 година, кога омикрон сојот на коронавирусот беше откриен во Јужноафриканската Република и Боцвана.
Тековните податоци се значително повисоки од бројките во претходните бранови на ковид-19 во светот. Пред појавата на омикрон, рекордот беше 816 840 случаи на ден кои беа пријавени во просек помеѓу 23 и 29 април 2021 година.
Во моментов, најголем пораст на инфекции има во Азија (385 572 случаи на ден во просек во последните седум дена, што е за 68 проценти повеќе од претходната недела), Блискиот Исток (89 900 заразени дневно, или 57 проценти повеќе) и Јужна Америка и Карибите (397 098, 40 проценти повеќе).
И бројот на смртни случаи во светот моментално е во пораст (7 522 смртни случаи дневно во прос ек во последните седум дена, што е за 11 отсто повеќе од претходната недела) и тој број е поголем од бројките објавени кон крајот на ноември.
Тешките форми на болеста, исто така, се чини дека се поретки кај омикрон отколку кај делта, варијанта која претходно доминираше.
Во Велика Британија, на пример, бројот на нови инфекции се зголеми за повеќе од 330 отсто во просек помеѓу крајот на ноември и почетокот на јануари. Во исто време, бројот на пациенти на респиратори не се зголеми.