По авионското прскање, Град Скопје најави дека од понеделник ќе почне со прскање против комарци од земја.
„Ги известуваме граѓаните дека терестричната дезинсекција на подрачјето на градот Скопје против возрасни форми на комарци ќе почне на 31.8.2020 година (понеделник) и ќе заврши најдоцна до 04.9.2020 година (петок), а ќе се врши во периодот од 9 до 3 часот, наредниот ден“,
соопштија од Градот.
Доколку временските услови не дозволуваат, велат оттаму, прскањето ќе се изврши првиот нареден ден, кога временските услови ќе бидат поволни, во истиот термин.
Градот Скопје деновиве спроведе и вонредно авионско прскање откако поради влага во вегетацијата имаше поголемо размножување на комарците.