Во повеќе од 90 часа откако се случи земјотресот во Измир спасено е девојче од под урнатините. Како што јавува новинската агенција Анадолу, девојчето било извлечено од урнатини на апартманите „Риза-бег“.
Девојчето што е спасено се вика Ајда Гезгин, и таа е 107 лице спасено од урнатините по земјотресот.
Претседателот на АФАД, Мехмет Гулуоглу, на својот профил на Твитер напиша: „Стигнавме до друго дете. Фала му на Бога.“
Гувернерот на Измир, Јавуз Селим Кошгер, исто така на својот профил на социјалните мрежи напиша: „И Ајла Гезгин е спасена жива.“
Во силниот земјотрес што го погоди Егејскиот регион на Турција, загинаа 102 лица, 1 026 се повредени, од кои 883 лица се отпуштени од болница, а 143 сè уште се на болничко лекување.
По земјотресот што го погоди подрачјето во близина на Сеферихисар, во Измир, регистрирани се 1 286 последователни потреси, од кои 43 со магнитуда над четири степени.
Турскиот министер за животна средина и урбанизам, Мурат Курум, изјави дека бројот на значително оштетените и уништени згради е зголемен на 58. Вчера, 65 часа по земјотресот, од под урнатините беше извлечена тригодишната Елиф Перинчек.