„Најостро го осудувам палењето на културниот центар „Иван Михаилов“ во Битола кој е обид за провоцирање и дестабилизација на односите со нашите соседи“, вели Петков
Бугарскио премиер, Кирил Петков, најостро го осуди палењето на влезот на културниот центар „Иван Михајлов“ во Битола.
Тој му се заблагодари на премиерот на Северна Македонија, Димитар Ковачевски, за брзиот одговор и нагласи дека очекува од македонските надлежни служби да ги бараат и казнат сторителите на овој, како што го нарече, вандалски чин.
„Најостро го осудувам палењето на културниот центар „Иван Михаилов“ во Битола кој е обид за провоцирање и дестабилизација на односите со нашите соседи“,
изјави Петков.
Според Петков, бугарската Влада ќе продолжи да работи на заштита на правата на бугарската заедница во Северна Македонија и на поддршката на нејзините активности.
Петков дополни дека иднината на регионот не треба да биде заложник на обидите за дестабилизација на злонамерните маргинални групи.