Во секој случај, јас ништо нема да преземам без парламентот… Каква одлука тој ќе донесе, таков ќе биде и мојот став кон ова прашање наредната недела во Брисел, изјави Петков во интервју за емисијата „Панорама“ на БНТ
Прашан дали РСМ има барем нешто направено, тој рече дека РСМ веќе сторила една остапка и од 5+1 сега имаме 4+1 без да бара реципрочен одговор од Бугарија
Не верувам дека до гласањето доверба на владата (среда, 22 јуни) ќе има собраниска дебата за РСМ. Страстите околу тоа се премногу вжештени и затоа не верувам дека до среда ќе има одлука за РСМ, изјави вечерва бгарскиот премиер Кирил Петков во интервју за БНТ.
Прашан дали РСМ има барем нешто направено, тој рече дека РСМ веќе сторила една остапка и од 5+1 сега имаме 4+1 без да бара реципрочен одговор од Бугарија.
Петкв исто така рече дека не го видел францускиот предлог, бидејќи тој утринава пристигнал од Брисел и веднаш бил испратен во Собранието.
„Јас го немам видено предлогот на Франција, но од тоа што го знам е дека се штитат правата на Бугарите и РСМ до првата конференција треба да ги вметне во Уставот… Во секој случај, јас ништо нема да преземам без парламентот… Каква одлука тој ќе донесе, таков ќе биде и мојот став кон ова прашање наредната недела во Брисел“,
изјави Петков во интервју за емисијата „Панорама“ на БНТ.
В четврток 23 јуни ќе се одржи состанокот на Советот за општи работи на ЕУ.
„Секогаш кога некој од зад кулисите се обидува да ја разниша државата, ја активира темата за Северна Македонија, секогаш кога тоа ни се случува. За да остане оваа коалиција нестабилна, постојано се зборуваше за РСМ и за идното предавство на Бугарија. Дваесет пати повторив дека нема да има одлука на оваа тема без бугарскиот парламент, како да не сум рекол. Никој не го слушаше ова, не беше во прилог да се слушне од никого, сакаа да се случува повторно и повторно. Она што ќе го видите во следните неколку дена ќе биде конечниот одговор на ова прашање. Јас како премиер нема да донесам никаква одлука доколку тоа не биде донесено од бугарскиот парламент. Следната недела ќе одам во Брисел, ако немаме одлука на бугарскиот парламент, единственото што ќе кажам во Брисел е: Ветив дека оваа одлука треба да ја донесе бугарскиот парламент и бидејќи не е донесена, јас нема да направам никаква промена во бугарската позиција“,
нагласи Петков.
Според мене, страстите во моментов се толку жешки што сите партии се фокусираа на гласањето за недоверба, тоа зависи од пратениците. Очекувам дека до гласањето во среда тешко дека ќе има други теми на кои ќе разговараат“, рече Петков.
Опозициската националистичка партијата „Преродба“ веќе соопшти дека не ги прифаќа условите од францускиот предлог за Северна Македонија, кој е испратен до бугарскиот парламент, и со кој се предвидува почеток на преговори за ЕУ со Скопје, со загарантирани бугарски барања преку преговарачката рамка.
Заменик-претседателот на Комисијата за надворешна политика Ангел Георгиев кој е од оваа партија изјави дека „предлогот на Франција е апсолутно недозволив затоа што зборува за малцинства, зборува и за два различни народи и граѓани на други народи кои живеат во рамките на Северна Македонија, а со кој документ во пракса се предвидува Бугарија да се согласи за постоење посебен македонски јазик – нешто тоа е апсолутна измислица“.
Во знак на несогласување, „Преродба“ во вторник во 17 часот ќе организира протест пред Народното собрание. За тој ден се планирани расправите за гласањето недоверба на кабинетот на Кирил Петков.
„360 степени“ го објави францускиот предлог, кој е пакет од неколку документи, од кои два се најсуштествени – предлог-преговарачката рамка и предлог-заклучоците на Советот на ЕУ за состанокот идната недела.
Во предлог-преговарачката рамка именувањето на јазикот на кој ќе се преведува заедничкото европско право е со чиста одредница „македонски“, без дообјаснувања или фусноти.
Францускиот предлог предвидува на 23 јуни годинава Советот за општи работи на ЕУ да ја усвои Преговарачката рамка за Северна Македонија и за истиот ден да закаже политичка меѓувладина конференција. Советот на истиот состанок ќе донесе и одлука дека следна меѓувладина конференција за отворање на пристапните преговори ќе се одржи веднаш штом Северна Македонија ја заврши процедурата за промена на Уставот заради внесување на Бугарите во преамбулата.