Песков наведе дека Путин настинал од климата за време на неговата вчерашна посета на Техеран
Портпаролот на Кремљ, Дмитриј Песков, денеска изјави дека Владимир Путин е во добра здравствена состојба, истакнувајќи дека западните шпекулации за здравјето на рускиот претседател се лажни вести.
Песков наведе дека Путин настинал од климата за време на неговата вчерашна посета на Техеран.
Меѓународното следење на здравјето на Путин е засилено изминатите месеци. Така имаше и различни интерпретации на неговите фотографии на средбите со странски и руски официјални лица, каде што тие седат на спротивните краеви на долгите маси како мерка на претпазливост поради Ковид-19. Исто така беше коментирано и одењето на Путин односно дека изгледа вкочането.