Претседателот Стево Пендаровски во вечерашното интервју во „360 степени“ откри дека во октомври ќе оди во официјална посета на Република Грција.
„На почетокот на октомври, на 5 и на 6 октомври, треба да се случи првата официјална посета на еден претседател на Северна Македонија на Република Грција“,
најави Пендаровски.
Тој ќе има средби и со грчкиот премиер и со спикерот на парламентот, а за него било изненадување тоа што му понудиле средба и со лидерот на опозицијата.
„Она што е интересно, а ние мораме нешто од тоа да учиме после 30 години независност, ми закажаа, ми понудија средба со лидерот на опозицијата. Бидејќи знам какви се балканските политики, јас прашувам дали тоа предизвика некаква реакција од оние кои се во власт. Не, велат, традиција е кога доаѓаат такви гости од надвор, да се видат и со лидерот на опозицијата, кој и да е“,
рече Пендаровски.