Ова се тешки мигови по денешната стравична експлозија, вели шефот на државата
Со порака на македонски и турски јазик, претседателот Стево Пендаровски, изрази сочувство за денешната експлозија во Истанбул, во која загинаа шест лица, а 53 беа повредени.
„Изразувам длабоко сочувство до семејствата на загинатите, претседателот Ердоган и турскиот народ во овие тешки мигови по денешната стравична експлозија во Истанбул. На повредените им посакувам брзо закрепнување“,
напиша Пендаровски во пораката.
Изразувам длабоко сочувство до семејствата на загинатите, претседателот @RTErdogan и турскиот народ во овие тешки мигови по денешната стравична експлозија во Истанбул. На повредените им посакувам брзо закрепнување.
— Stevo Pendarovski (@SPendarovski) November 13, 2022
Претходно, сочувство изразија и премиерот Димитар Ковачевски и шефот на дипломатијата, Бујар Османи.
Експлозијата се случи денеска попладне во 16:20 часот по локално време на познатата шопинг улица „Истиклал“ кај плоштадот Таксим. Претседателот Ердоган во првото обраќање до јавноста рече дека иако не може да се тврди дека станува збор за тероризам, сепак првичните сознанија укажуваат дека ова мириса токму на тоа.
*Поврзани вести: