Обраќајќи им се на учениците од верските училишта и на свештениците, папата рече дека треба да се користи дигиталниот свет, но „не премногу“
Папата Франциск ги предупреди свештениците и калуѓерките за опасноста од гледање порнографија на Интернет, велејќи дека тоа „го ослабува срцето на свештеникот“.
Папата рече дека порнографијата е „порок што го имаат толку многу луѓе, дури и свештеници и калуѓерки“ и рече дека „само ѓаволот доаѓа од таму“, пренесе Би-би-си.
Обраќајќи им се на учениците од верските училишта и на свештениците, папата рече дека треба да се користи дигиталниот свет, но „не премногу“.
„Чистото срце, она што Исус го прима секој ден, не може да ги добие овие порнографски информации“,
рече папата и им порача на членовите на црквата „да ги избришат тие страници од нивните телефони“ за да нема искушение во нивните раце.
Католичката црква бара сите свештеници да бидат во целибат, што значи дека не можат да се венчаат или да имаат сексуални односи, а според папата гледањето порнографија го прекршува тоа правило.
Иако тоа не се бара во Библијата, Католичката црква го пропишала целибатот пред околу 900 години за свештениците да можат да го посветат својот живот на црквата, наместо да се грижат за световните грижи, како што се сопругата и семејството.