Словенечкиот претседател Борут Пахор веќе неколку дена со мегафон ги посетува старските домови ширум земјата со цел да ги охрабри пензионерите да издржат во борбата со коронавирусот.
Пахор денеска го посетил Домот за стари лица во Постојна и, преку мегафон од дворот на објектот, им порачал на пензионерите да бидат храбри и дека сè ќе биде во најдобар ред.
„Чувствував потреба лично да дојдам и на овој начин да зборувам со старите лица тука. Тие на телевизија гледаат дека нивните домови се жаришта на заразата и некои од нив мислат дека тие се виновни за ваквата ситуација“,
изјави Пахор за Телевизија Словенија.
Во домовите за нега на стари лица во Словенија има најмногу заразени со коронавирусот кој предизвика смрт на повеќе станари во овие објекти.