Третата дебата што треба да се одржи на 22 октомври најверојатно ќе биде последно соочување на двајцата претседателски кандидати во пресрет на изборите во ноември
Откажана е втората претседателска дебата помеѓу Доналд Трамп и демократскиот кандидат Џо Бајден што требаше да се одржи на 15 октомври, бидејќи американскиот претседател одби виртуелна дебата.
Виртуелна дебата беше предложена поради тоа што Трамп се зарази со ковид-19.
Тоа значи дека третата дебата во Нешвил,што треба да се одржи на 22 октомври најверојатно ќе биде последно соочување на двајцата кандидати.
Претходно, Трамп изјави дека нема да учествува на втората претседателска расправа во следната недела против демократскиот кандидат Џо Бајден, откако организаторите изјавија дека таа ќе се одржи виртуелно бидејќи Трамп се зарази со ковид-19.
Непартиската комисија за претседателски дебати својата одлука ја образложи со потребата од „заштита на здравјето и безбедноста на сите инволвирани“.
Трамп, кој рече дека по лекувањето во болница е во „одлична форма“, идејата за каква било дебата освен формат лице в лице ја оцени како шега.