Осумдневен притвор за двајцата вработени на штипскиот Универзитет „Гоце Делчев“ кои се осомничени за злоупотреби со информатичкиот систем

Осомничени се две лица – раководителот на секторот за „Е-индекс“ на Универзитетот и референтка за студентски прашања на еден од факултетите при УГД

Осумдневен притвор им е определен на двајцата вработени во Универзитетот „Гоце Делчев“ – Штип кои се осомничени дека како соизвршители ги сториле кривичните дела злоупотреба на службената положба и овластување од член 353, став 4, во врска со став 1 и компјутерска измама, според член 251-б, став 2, во врска со став 1 од Кривичниот законик (КЗ).

Основното јавно обвинителство Штип поведе постапка во врска со злоупотребите во информатичкиот систем на Универзитетот „Гоце Делчев“ (УГД), каде што за финансиски надомест биле менувани, бришени и прикривани податоци за оценки и испитни бодови во базата за електронски индекс.

Осомничени се две лица – раководителот на секторот за „Е-индекс“ на Универзитетот и референтка за студентски прашања на еден од факултетите при УГД.

ОЈО Штип отвори истрага и бара притвор за две лица за злоупотребите со информатичкиот систем на УГД

Според Обвинителството, тие во својство на службени лица, вработени во Универзитетот „Гоце Делчев” – Штип, ја искористиле службената положба, со што прибавиле за себе поголема материјална корист.

Според описот, тие ги извршиле кривичните дела за кои се товарат во периодот од 2021 до 2026 година.

Претреси во Штип и во Скопје поради сомнежи за злоупотреба на службена положба на Универзитетот „Гоце Делчев“