Османи изрази загриженост поради експлозијата во Полска во која загинаа две лица и изрази сочувство до семејствата на жртвите
На Твитер вечерва се огласи и премиерот Димитар Ковачевски кој порача дека сега е време НАТО сојузниците да бидат уште порешителни во својата основна задача – да ја одржат безбедноста на земјите членки на Алијансата
Во консултации сме со нашите НАТО сојузници и внимателно ја следиме ситуацијата во Полска, напиша вечерва на Твитер министерот за надворешни работи Бујар Османи, откако полските власти потврдија дека во експлозија во источниот дел од земјата загинале две лица.
„Загрижени сме од неодамнешните ракетни напади кои преминаа на територијата Полска. Целосна поддршка и солидарност со нашиот близок партнер Полска и сочувство до семејствата на жртвите“,
пишува Османи на Твитер.
Concerned by the recent missile strikes crossing into 🇵🇱 territory. Full support & solidarity w/ our close partner #Poland, expressing condolences to the families of the victims. We are consulting our @NATO Allies & closely following the situation@RauZbigniew @PolandMFA
— Bujar Osmani (@Bujar_O) November 15, 2022
На Твитер вечерва се огласи и премиерот Димитар Ковачевски кој порача дека сега е време НАТО сојузниците да бидат уште порешителни во својата основна задача – да ја одржат безбедноста на земјите членки на Алијансата.
„Сочувство до премиерот Моравецки до полскиот народ за загубата на животи во експлозијата во близина на украинската граница. Ова е време да бидеме уште порешителни во нашата основна задача – да ја одржуваме територијата на НАТО безбедна. Работиме заедно со сојузниците за да се соберат сите факти за овој трагичен настан“,
стои во твитер-објавата на премиерот Ковачевски.
Condolences to @MorawieckiM and the Polish people for the loss of life in the explosion near Ukrainian border. This is a time to be even more resolute in our core task – keep NATO territory safe and secure. Working together with Allies to gather all facts on this tragic event.
— Dimitar Kovachevski (@DKovachevski) November 15, 2022
Полските власти вечерва потврдија дека две лица загинале по експлозија во областа Хрубишов во источна Полска, но не рекоа оти експлозијата била предизвикана од руски ракети. И покрај тоа, шефот на Канцеларијата за национална безбедност, Јацек Сиевиера кажа дека Полска ја зголемува борбената готовност на некои единици во земјата.
Претходно денеска, генералниот секретар на НАТО, Јенс Столтенберг на Твитер напиша оти Алијансата ја следи ситуацијата и сојузниците внимателно се консултираат меѓусебе.
„Важно е сите факти да се утврдат“,
напиша Столтенберг на Твитер.