Кулеба се состанува со своите колеги од НАТО на Самитот во Брисел, како дел од дискусиите за тоа како најдобро да се вооружи Украина против обновените руски воени напади што се очекуваат на истокот на земјата
Украинскиот министер за надворешни работи Дмитро Кулеба, пред денешната средба со неговите колеги од НАТО, упати повик за повеќе оружје од земјите на НАТО за да се спасат животи во неговата земја.
Кулеба на социјалните мрежи објави дека неговата агенда е едноставна и дека Украина е уверена дека најдобриот начин да се победи Русија е со поголема воена поддршка.
Met with Secretary General @jensstoltenberg at NATO HQ in Brussels. I came here today to discuss three most important things: weapons, weapons, and weapons. Ukraine’s urgent needs, the sustainability of supplies, and long-term solutions which will help Ukraine to prevail. pic.twitter.com/247GdqdPwj
— Dmytro Kuleba (@DmytroKuleba) April 7, 2022
Кулеба се состанува со своите колеги од НАТО на Самитот во Брисел, како дел од дискусиите за тоа како најдобро да се вооружи Украина против обновените руски воени напади што се очекуваат на истокот на земјата.
Говорејќи со новинарите пред состанокот, тој рече дека без одржливи и доволни резерви на оружје победите на Украина ќе бидат проследени со огромни жртви.
Кулеба додава дека колку побрзо пристигнат повеќе резерви толку повеќе човечки животи и градови ќе бидат спасени од уништување што светот го виде во Буча.
„Ги повикувам сите сојузници да ги остават настрана нивните двоумење, нивната неподготвеност, да ѝ обезбедат на Украина сè што и треба бидејќи колку и да звучи чудно, денес оружјето служи за мир“,
изјави Кулеба.