Амбасадорката се осврна на грантот од 10 милиони долари на УСАИД за СЗО, од кои 600.000 долари се за поддршка на Северна Македонија
Американската амбасадорка во земјава Кејт Брнз денеска се приклучи на онлајн-состанокот на министерот за здравство Венко Филипче и претставникот на Светската здравствена организација (СЗО) во Северна Македонија, Џихане Тавилах.
Како што објави Амбасадата на САД во Северна Македонија на Фејсбук, амбасадорката Брнз се осврна за грантот од 10 милиони долари на УСАИД за СЗО, од кои 600.000 долари се назначени за поддршка на помошта на СЗО за напорите за одговор на Северна Македонија во справувањето со ковид-19.
„Оваа награда е дел од поддршката на САД за Северна Македонија, за долгата историја на пријателство, партнерство и сојуз меѓу нашите две земји“,
наведува Амбасадата на САД на Фејсбук.
На средбата, амбасадорката Брнс, исто така, истакна дека денеска е Светскиот ден на здравјето, што, како што нагласи, е значаен ден за здравствените работници кои моментално се на првата борбена линија против ковид-19.