Основното јавно обвинителство Скопје денеска поднесе 18 предлози за парични казни од по 2 000 евра за 19 лица кои го прекршиле полицискиот час.
Тие се обвинети за кривично дело непостапување според здравствените прописи за време на епидемија од член 206 став 1 од Кривичниот законик.
Како што соопшти ОЈО, за време на полицискиот час сите обвинети се движеле на различни локации во градот.
Доколку судот им ја одреди предложената казна, обвинетите ќе треба да платат по 100 дневни глоби по 20 евра во денарска противвредност.