И учесниците во јавниот превоз мора да се придржуваат до мерките за одржување растојание, со цел да се спречи ширење на коронавирусот. Владата, на денешната седница, одлучи да го ограничи бројот на патници што може да се возат во јавниот превоз на половина од вкупниот број седишта во возилото.
При вршење на јавниот превоз на патници, за време на траење на вонредната состојба, превозникот во возилото е должен да го организира превозот со задолжително одржување растојание од најмалку два метра меѓу патницит. И може да има најмногу 50 отсто патници од вкупниот број седишта, не сметајќи го седиштето на возачот, казко што е предвидено со дополнување на Уредбата за примена на Законот за превоз во патниот сообраќај за време на вонредна состојба.
Како што соопштија од Владата, уредбата предвидува прекршочни казни од 250 до 500 евра за физички лица ако вршат превоз на патници спротивно од оваа Уредба со законска сила.За одговорното лице во правниот субјект, пак, е предвидена глоба во износ од 150 евра во денарска противвредност.