„За жал, поради лошите временски услови морав да ја одложам посетата на Црна Гора утрово. Со нетрпение очекувам наскоро повторно да ја посетам вашата прекрасна земја“, пишува Фон дер Лајен на Твитер
Авионот на делегацијата на Европската комисија предводена од нејзината претседателка Урсула фон дер Лајен не може да полета од аеродромот во Белград поради лошите временски услови и појавата на магла.
Поради тоа, денешната посета на Фон дер Лајен на Црна Гора е одложена за друг датум.
„Денешната посета на претседателката на Европската комисија, Урсула фон дер Лајен, на Црна Гора, за жал, ќе мора да се одложи за друг датум, бидејќи поради временските услови, авионот на делегацијата не може да полета од аеродромот во Белград“,
се вели во соопштението од Делегацијата на ЕУ во Црна Гора.
Фон дер Лајен на својот официјален профил на Твитер напиша дека посетата на Црна Гора е одложена, но оти со нетрпение очекува наскоро да ја посети оваа земја.
„За жал, поради лошите временски услови морав да ја одложам посетата на Црна Гора утрово. Со нетрпение очекувам наскоро повторно да ја посетам вашата прекрасна земја“,
пишува Фон дер Лајен на Твитер.
Regretfully, because of bad weather,
— Ursula von der Leyen (@vonderleyen) October 29, 2022
I had to postpone my visit to Montenegro this morning.
We are rescheduling it.
I’m looking forward to visiting your beautiful country again very soon.
🇪🇺🇲🇪
Како што е најавено, посетата ќе биде организирана во нов термин кој ќе биде меѓусебно договорено.
Претседателката на Европската комисија деновиве е на турнеја низ земјите од Западен Балкан, при што ги посети Северна Македонија, Албанија, Косово, Босна и Херцеговина и Србија.
На сите земји каде што престојуваше Фон дер Лајен им беше доделена помош за надминување на енергетската криза.