Вака е предвидено во измените на Законот за учебници што Владата вчера ги усвои
Министерката за образование Мила Царовска уште во септември лани најави дека при секоја следна набавка на учебници и лектири, кои се користат во образовниот процес, во договорите ќе се вметне и клаузулата за електронско издание кое ќе им биде достапно на учениците, пред сѐ за да се надмине константниот проблем на недостиг на учебници кој се провлекува со години
Учениците од прво до трето одделение ќе учат од хартиени учебници, а оние од четврто до деветто одделение и во средните училишта од електронски.
Вака е предвидено во измените на Законот за учебници кои Владата вчера ги усвои.
Портпаролот на Владата Душко Арсовски не даде други детали освен дека сите останати наставни и дидактички материја ќе бидат дигитални.
Всушност, измените се однесуваат на постапката за набавка на учебници кои според Владата треба да обезбедат транспарентност на постапките, се поставуваат механизми за контрола на содржината за да се спречат дискриминирачки содржини и се обезбедува дигитализација и пристап на учебници за лицата со оштетен вид.
Министерката за образование Мила Царовска уште во септември лани најави дека при секоја следна набавка на учебници и лектири, кои се користат во образовниот процес, во договорите ќе се вметне и клаузулата за електронско издание кое ќе им биде достапно на учениците, пред сѐ за да се надмине константниот проблем на недостаток на учебници кој е провлекува со години.
Сега само 40 отсто од сите учебници се достапни во електронска верзија, а ситуацијата со ковид го забрза овој процес, односно, Царовска смета дека сега е време да се исправи грешката што ваквата опција досега не била ставен во досегашните договори за набавка.
„Ако во претходните договори се ставела клаузула, тогаш немало да има ваков проблем. Затоа во сите идни набавки ќе се инсистира да има и електронска верзија. Прво ќе се преговара за учебниците, а потоа и за лектирите“,
рече тогаш Царовска.