Литар бензин БС-95 ќе се продава за 74 денари за литар, бензинот БС-98 ќе чини 76,50 денари за литар, а дизелот ќе се продава за 68,5 денари за литар
Од ноќеска на полноќ горивата ќе се продаваат по нови, намалени цени.
Според одлуката на Регулаторната комисија за енергетика (РКЕ), цената на бензинот БС-95 се намалува за половина денар за литар, а за два денари за литар се намалува цената на БС-98. Цената на дизелот ќе биде пониска за еден денар за литар.
Па така, од полноќ литар бензин БС-95 ќе се продава за 74 денари за литар, бензинот БС-98 ќе чини 76,50 денари за литар, а дизелот ќе се продава за 68,5 денари за литар.
Екстра лесното масло за домаќинство ќе се продава по 67,50 денари за литар.
Со одлуката на РКЕ од полноќ за 0,306 денари за килограм се намалува цената на мазутот и истиот ќе се продава за 43,507 денари.