Бенон побара помош од адвокат на Трамп да поднесе изземање според привилегија на извршен службеник, но обвинителството тоа го отфрли велејќи дека „привилегија на извршен службеник не може да дозволи целосно неповикување на обвинетиот“
Сојузни обвинители денеска побараа Стив Бенон, поранешен советник на поранешниот претседател Доналд Трамп да биде осуден на шест месеци затвор за непочитување на Конгресот, јави дописникот на МИА од Вашингтон.
Според препораката, покрај затворската казна од шест месеци, државата бара тој да плати и 200.000 долари парична казна.
„За неговото одржливо, несовесно потценување на Конгресот, обвинетиот треба да биде казнет со шест месеци затвор, највисоката казна според правилникот, и да плати 200.000 долари, засновано на негово инсистирање да плати максимум казна отколку да соработува со финансиската истрага во време на испитниот рок“,
напишаа обвинителите во поднесок до судот.
Од порота во јули, Бенон беше признат за виновен под две точки за потценување на Конгресот откако специјален комитетот на Претставничкиот дом за истрага на случувањата што водеа до нападот на Капитолот на 6 јануари 2021 година, го повика на сведочење. Бенон ја игнорираше поканата, но, во полза на истрагата беше подготвен да одговара на прашања поврзани само со неговиот личен живот, здравје и професионална кариера. Но, не и да ги открие неговите финансиски документи.
Според обвинителите, „демонстрантите кои навлегоа во Капитолот на 6 јануари не ја нападнаа само зградата, тие го погазија владеењето на правото врз кое оваа земја е изградена и преку кое таа истрајува. Со презирот кон поканата на избраниот комитет обвинетиот го продлабочи тој напад“.
Бенон побара помош од адвокат на Трамп да поднесе изземање според привилегија на извршен службеник, но обвинителството тоа го отфрли велејќи дека „привилегија на извршен службеник не може да дозволи целосно неповикување на обвинетиот“.
Изрекувањето на пресудата е закажано за в петок.
Комитетот на американскиот Конгрес кој го истражува нападот на Капитол кој се случи на 6 јануари 2021 година, пред три дена изгласа да му се нареди на поранешниот претседател Доналд Трамп да предаде документи и да сведочи за настанот.
Комитетот, составен од седум членови на Демократската партија и двајца републиканци, едногласно одлучи да му нареди на Трамп да ги предаде документите и да сведочи под заклетва.
За повеќе од една година, конгресниот Комитет сослуша повеќе од 1 000 сведоци кои го истражуваа нападот на Капитол, во кој беа повредени повеќе од 140 полицајци, а неколку луѓе загинаа.