Инаку Дауди, кандидатка во првата изборна единица Калвадос во северозападна Франција, во првиот круг од изборите доби речиси 20 отсто од гласовите
Кандидатката на француската крајнодесничарска партија Национален фронт, Лудивин Дауди, се повлекува од вториот круг од парламентарните избори во Франција.
Ваквата одлука била донесена откако на социјалните мрежи беше објавена фотографија на која Дауди носи капа со нацистички симболи, пишува „Ле Монд“.
Инаку Дауди, кандидатка во првата изборна единица Калвадос во северозападна Франција, во првиот круг од изборите доби речиси 20 отсто од гласовите.
Нејзината фотографија на социјалната мрежа Икс ја сподели Ема Фуро, кандидатка на левичарскиот Нов народен фронт.
„На 7 јули ниту еден глас за овие валкани фашисти“,
напиша таа.
🚨Ludivine Daoudi, la candidate du RN sur la 1e circonscription du Calvados, est portée disparue depuis le début de la campagne.
— Emma Fourreau (@emma_frr) July 1, 2024
Quand on regarde ses réseaux sociaux, on comprend mieux pourquoi.
Le 7 juillet, pas une seule voix pour ces immondes fascistes. pic.twitter.com/qRL8hwLZwm
За време на предизборната кампања во Франција беше утврдено дека неколку кандидати на Национален фронт објавиле расистички, антисемитски и навредливи пораки на социјалните мрежи.
Екстремнодесничарската партија Национален фронт на Марин Ле Пен победи во првиот круг од парламентарните избори во Франција, покажаа излезните анкети, но непредвидливиот конечен резултат ќе зависи од изборните сојузи создадени пред вториот круг следната недела.
Национален фронт освои околу 34 отсто од гласовите, според излезните анкети на Ипсос, Ифоп, Опинион веј и Елабе (Ipsos, Ifop, OpinionWay и Elabe).
Тоа е резултат што ја става партијата пред левичарските и центристичките ривали, вклучително и сојузот „Заедно“ на претседателот Емануел Макрон, чиј блок освои 20,5-23 проценти. Анкетите предвидуваа дека „Нов народен фронт“, набрзина составена левичарска коалиција, ќе освои околу 29 отсто од гласовите, како што покажуваат и излезните анкети.