Па така, од полноќ, бензинот еуросупер БС-95 ќе чини 90 денари, цената на еуросупер БС-98 ќе биде 92 денари, а литар дизел ќе се продава за 94 денари за литар
Во новата пресметка од РКЕ велат дека е применета и одлуката на Владата за намалување на акцизата за бензините за еден денар по литар и за дизелот за два денари по литар
Од ноќеска на полноќ оривата ќе се продаваат по нови повисоки цени.
Според одлуката на Регулаторната комисија за енергетика (РКЕ), бензините поскапуваат за три денари, а дизелот ќе се продава по цена што е повисока за шест денари.
Па така, од полноќ, бензинот еуросупер БС-95 ќе чини 90 денари, цената на еуросупер БС-98 ќе биде 92 денари, а литар дизел ќе се продава за 94 денари за литар.
Зголемена цена ќе има и екстралесното масло кое поскапува за седум денари и од полноќ ќе се продава за 93 денари.
За 3,205 денари за килограм се зголемува малопродажната цена на мазутот и ќе изнесува 45,373 денари.
Од РКЕ велат дека малопродажните цени на горивата се зголемуваат во однос на цените утврдени на 13 јули.
Со одлуката, додаваат од РКЕ, се врши зголемување на малопродажните цени на нафтените деривати во просек за 5,88 отсто во споредба со претходната одлука.
Според регулаторите, зголемувањето на цените е резултат на растот на референтните цени на нафтените деривати на светскиот пазар, кои во однос на претходната пресметка се зголемиле кај бензините за 9,003 проценти, кај дизелот за 14,963 проценти, кај екстра лесното масло за 13,2 проценти и кај мазутот за 10,686 проценти.
Во новата пресметка додаваат дека е применета и одлуката на Владата за намалување на акцизата за бензините за еден денар по литар и за дизелот за два денари по литар.
Од РКЕ напоменуваат дека ова се максималните цени на нафтените деривати и оти трговците на големо и на мало можат да ги формираат цените на одделни нафтени деривати и горива за транспорт и пониско од највисоките утврдени цени.
Инаку, претходно денеска Собранието донесе одлуката за продолжување на кризната состојба за нафта и нафтени деривати која ќе трае до 20 октомври. Продолжувањето на кризната состојба од 21 јули до 20 октомври ќе овозможи континуитет во институционалното постапување и навремено преземање мерки доколку дојде до нарушувања во снабдувањето или до значителни ценовни шокови на меѓународните пазари.
Потоа Владата донесе одлука за намалување на акцизите на бензинот и дизелот, а со цел да се амортизира дел од ценовниот раст.
Амортизирањето, всушност значи зголемување на малопродажната цена на бензините од околу 3 денари по литар и за околу 6 денари за дизел-горивата, наместо повеќе.