Според одлуката на Регулаторната комисија за енергетика (РКЕ), дизелот ќе се продава поскапо за половина денар, а бензините ќе бидат со цена повисока за денар и половина
Од ноќеска на полноќ горивата ќе се продаваат по нова повисока цена.
Според одлуката на Регулаторната комисија за енергетика (РКЕ), дизелот ќе се продава поскапо за половина денар, а бензините ќе бидат со цена повисока за денар и половина.
Па така, од полноќ бензинот еуросупер БС-95 ќе се продава за 81 денар за литар, еуросупер БС-98 ќе чини 83 денари за литар, а цената на дизелот ќе биде 76 денари за литар.
Екстра лесното масло за домаќинства поскапува за половина денар и тоа ќе се продава за 75,5 денари за литар.
За 0,337 денари за килограм се зголемува цената на мазутот и сега ќе изнесува 46,673 денари за килограм.