Во Статутот на ова тело на Советот на Европа е предвидено дека членовите не ја претставуваат ниту земјата ниту институцијата од каде што доаѓаат, велат од ДКСК
Нема судир на интереси во предлогот на Владата министерката за правда Рената Дескоска да биде член на Венецијанската комисија, утврдила Антикорупциската комисија по анализа на целокупната документација за предметот.
„Според Статутот на Венецијанската комисија, таа е составена од независни експерти, но она што е најважно во Статутот е дека е предвидено дека членовите не ја претставуваат ниту земјата ниту институцијата од каде што доаѓаат. Тие воопшто не учествуваат во расправата и гласањето поврзано со земјите што ги претставуваат. На ваков начин сметаме дека Венецијанската комисија сама се има заштитено од судир на интереси“,
велат од ДКСК.
Овој предмет Комисијата го отвори по допрен глас од медиумите, но и по претставка поднесена од политичка партија.