Лидерот на СДСМ Зоран Заев соопшти дека постигнал договор за коалиција на локалните избори и со Движењето Беса. Заев на својот Фејсбук профил по средбата со Касами напиша дека коалицијата со БЕСА ќе продолжи и на локалните избори, за кои согласно спецификите на различните општини ќе ги барат и утврдат најдобрите кандидати.
Коалицијата СДСМ – БЕСА минатата година постави нови стандарди во современото политичко дејствување во Северна Македонија. Денес оваа соработка е на уште повисоко ниво и дава одлични резултати низ работата на Владата.Со претседателот на БЕСА, Билал Касами се согласивме дека партнерството во нашата коалиција ќе продолжи да се развива и на претстојните локални избори, за кои согласно спецификите на различните општини ги бараме и утврдуваме најдобрите кандидати кои ќе го дадат најдобриот резултат за нашиот народ.
напиша Заев
Пред неколку дена претседателот на СДСМ, Зоран Заев информира дека неговата партија постигнала согласност на локалните избори да настапува заедно и со останатите два коалициони партнери, ДУИ и ДПА.