Меѓу 4 нови случаи со ковид-19 кои денеска беа регистрирани во Битола е и една негувателка во градинка, соопшти Центарот за јавно здравје (ЦЈЗ) – Битола.
Поради тоа, за 5 деца и уште 5 вработени во градинката (3 воспитувачки и 2 негувателки), ЦЈЗ предложил до Државниот санитарен и здравствен инспекторат да се стават под здравствен надзор и домашна изолација во траење од 14 дена.
Овој случај доаѓа третиот ден од отворањето на градинките.
На првиот ден од отворањето на градинките (среда), пак, исто така имаше уште еден случај на ковид-19 кај вработена. Тогаш стануваше збор за градинка во Свети Николе, која од тие причини не почна воопшто со работа.