Објектот „Клон 1“ во рамки на детската градинка „Рахилка Гонева“ во Свети Николе утрово не ги отвори вратите за дечињата што се запишани таму бидејќи вработена е со симптоми на ковид-19. Во тој објект требало да бидат згрижени 110 дечиња, а нивните родители биле информирани за состојбата.
„Во овој објект, поради појава на симптоми на ковид-19 на една од вработените во градинката која ги извршуваше подготвителните работи за прием на дечињата, а во согласност со Протоколот и Алгоритамот од Министерството за труд и социјална политика за постапување, бевме принудени денеска да не ги отвориме вратите за прием на дечињата во ‘Клон 1’. Додека не добиеме официјални резултати од тестирањето на вработената и епидемиолошка слика за нејзините контакти, овој објект нема да го пуштиме во функција“,
изјавил за МИА градоначалникот на Свети Николе, Сашо Велковски.
Тој истакнува дека денеска биле отворени вратите за дечињата од објектот „Клон 2“. Таму биле пријавено вкупно 41 дете, а утринава се донесени 26 деца, додека во село Лозово од пријавените 15 само девет се донесени од страна на родителите.