Негативен е резултатот на бебето родено на 30 март од мајка која беше позитивна на коронавирусот, соопшти Министерството за здравство.
Пациентката позитивна на новиот вирус роди машко новороденче кое е недоносено и се наоѓа на интензнивна нега на Клиниката за гинекологија и акушерство.
На 31 март, мајката, поради отежнато дишење, беше хоспитализирана на Клиниката за инфективни болести, од каде што информираат дека нејзината состојба е стабилна.
Родилката е од Куманово и е на возраст од 27 години.
„ Таа беше спроведена и породена во изолација, поради тоа што суспектна на ковид-19 и упатна дијагноза која укажува на намалената плодова вода била најавена и испратена на Клиниката преку својот матичен лекар. При приемот, на пациентката, освен комплетната лабораторија, веднаш и е земен брис за ковид- 19. На Клиниката за гинекологија и акушерство со пациентката е постапено по сите протоколи за прием на зразен пациент, како во однос на нега и третман, така и во однос на адекватна заштита на персоналот и изолација на пациентот“,
информираат од ресорното Министерство.