„Разочарани сме што не беше можно да се реши спорот со регистарските таблички. Сега е време за одговорност и прагматични решенија. Ескалацијата мора да се избегне. НАТО и КФОР остануваат будни“, напиша генералниот секретар НАТО алијансата на Твитер
НАТО и КФОР остануваат будни, напиша вечерва на Твитер генералниот сектерат на НАТО, Јенс Столтенберг изразвувајќи разочарување што Србија и Косово не постигнаа договор за регистарските таблички на состанокот во Брисел.
Столтенберг потврди дека разговарал со шефот на европската дипломатија Жозеп Борел по средбата на највисоко политичко ниво меѓу претставниците на Европската Унија (ЕУ) со претседателот на Србија Александар Вучиќ и премиерот на Косово Албин Курти.
„Разочарани сме што не беше можно да се реши спорот со регистарските таблички. Сега е време за одговорност и прагматични решенија. Ескалацијата мора да се избегне. НАТО и КФОР остануваат будни“,
напиша Столтенбег на својот твитер-профил.
Spoke to @JosepBorrellF. We are disappointed that it was not possible to solve the licence plate dispute. Now is the time for responsibility & pragmatic solutions. Escalation must be avoided. @NATO_KFOR remains vigilant.
— Jens Stoltenberg (@jensstoltenberg) November 21, 2022
Шефот на европската дипломатија, пак, Жозеп Борел на Твитер објави дека разговарал со генералниот секретар на НАТО алијансата, нагласувајќи дека го информирал за „разочарувачкиот исход од денешната средба на високо ниво меѓу Приштина и Белград“ организирана од ЕУ.
„Мора да се избегне ескалација. ЕУ и НАТО остануваат во координација на теренот. Ситуацијата ја следи и ЕУЛЕКС“,
напиша Борел.
Debriefed @NATO SG @jensstoltenberg about the disappointing outcome of today’s EU-facilitated high level meeting between Belgrade and Pristina.
— Josep Borrell Fontelles (@JosepBorrellF) November 21, 2022
Escalation must be avoided. The EU and NATO remain coordinated, also on the ground. @EULEXKosovo is monitoring closely.
Високиот претставник на ЕУ за заедничка надворешна политика и безбедност, Жозеп Борел, претходно изјави дека Косово и Србија не постигнале договор за регистарските таблички, а одговорноста за неуспехот да се постигне договор ја префрли на косовската страна.
Иако не беше постигнат договор, Борел рече дека бара од Косово веднаш „да ги прекине понатамошните фази“ од планот за пререгистрација на автомобили на северот на Косово, додека Србија „го суспендира издавањето“ на нови регистарски таблички со ознаки КМ (Косовска Митровица), кои косовските власти ги сметаат за нелегални.
Косовскиот премиер Албин Курти и српскиот претседател Александар Вучиќ денеска во Брисел не постигнаа договор за регистарските таблички со ознаки КМ (Косовска Митровица). Поради тоа, косовската полиција од утре ќе започне да ја спроведува одлуката на косовските власти и да изрекува казни на сите возачи чии возила не се соодветно пререгистрирани.