Штипјанец кој е заразен со коронавирус не се придржувал до задолжителната самоизолација и за него е побарана казна од 2000 евра.
Како што информираше основното јавно обвинителство во Штип поднесен е предлог за казна против него за кривично дело за време на епидемија од член 206 од Кривичниот законик.
„Обвинетиот на 24 март добил известување од вирусолошката лабораторија на ПЗУ ‘Поликлиника Жан Митрев’ дека неговиот резултат од испитувањето на ковидD-19 е позитивен, при што му било издадено решение со кое се одредува лекување и изолација во домашни услови. Но, на 30 март тој не постапил по решението, го напуштил својот дом како место за самоизолација и со своето возило бил затекнат како фрла ќеси со отпад во близина на Здравствениот дом во Штип“,
стои во соопштението на обвинителството.