Во моменти кога сето образование во Македонија е во штрајк заради недостоинствени плати, а Владата спроведува најбрутални закани и притисоци кон оние што го користат правото на штрајк, Дарко Димовски го покажа лицето на партиската агенда во фотелјата на ССМ, и денеска ги нападна сиот образован капитал, нападна синдикат и сквернави штрајк којшто трае две недели, за да ја брани Владата
Претходно денеска, лидерот на ССМ, Дарко Димовски, коментирајќи го штрајкот на СОНК во училиштата и градинките, рече дека Јаким Неделков требало да им ја каже вистината до крај на просветните работници и додаде оти според него, изјавите на СОНК дека се прекршени правата на штрајкувачите се невистинити, бидејќи Законот за минимална плата предвидува усогласување на платите во рок од шест месеци
Политички поставениот претседател на Сојузот на синдикати, Дарко Димовски, наместо поддршка на штрајкот на образованието, денеска застана во одбрана на Владата, реагираат од ВМРО-ДПМНЕ, откако денеска лидерот на ССМ, Димовскикоментирајќи го штрајкот на СОНК во училиштата и градинките, рече дека не е точно тоа што го вели СОНК оти се прекршени правата на штрајкувачите бидејќи Законот за минимална плата предвидува усогласување на платите во рок од шест месеци.
„Срамно и недостојно за позицијата претседател на Сојузот на синдикати, а по состанок со Ковачевски и Груби, Дарко Димовски застана во одбрана на Владата, и нападна штрајк, нападна синдикат и го нападна достоинството на образованието. Димовски, за потсетување, кршеше врати со асистенција на СДСМ, Оливер Спасовски и Мила Царовска, беше поставен со партиска агенда да го чува грбот на власта пред осиромашувањето и притисоците врз работниците“,
додаваат од ВМРО-ДПМНЕ.
Во моменти кога сето образование во Македонија е во штрајк заради недостоинствени плати, додаваат од партијата, во моменти кога оние кои што ја згрижуваат, воспитуваат, образуваат македонската иднина се соочуваат со тешки притисоци и закани, во моменти кога Владата спроведува најбрутални закани и притисоци кон оние што го користат правото на штрајк, Дарко Димовски, додаваат од ВМРО-ДПМНЕ, го покажа лицето на партиската агенда во фотелјата на ССМ, и денеска ги нападна сиот образован капитал, нападна синдикат и сквернави штрајк којшто трае две недели, за да ја брани Владата.
Претходно денеска, лидерот на ССМ, Дарко Димовски во гостување во емисијата „Утрински брифинг“, коментирајќи го штрајкот на СОНК во училиштата и градинките, рече дека Јаким Неделков требало да им ја каже вистината до крај на просветните работници и додаде оти според него, изјавите на СОНК дека се прекршени правата на штрајкувачите се невистинити, бидејќи Законот за минимална плата предвидува усогласување на платите во рок од шест месеци.
Од СОНК вчера одлучија да продолжат со штрајкот и порачаа дека тоа што Владата решила со ребалансот на буџетот да се обезбедат пари за 10 отсто покачување на платите во школите и градинките, била бетонирана понудата и не се оставало простор за дополнителни преговори.
Претседателот на СОНК, Јаким Неделков, на прес-конференција читајќи ги заклучоците од Советот на синдикатот рече работодавците се тие што треба да исплатат плати на штрајкувачите бидејќи, според нив, штрајкот е организиран бидејќи се кршат правата на работниците.