За над 71 илјади евра се намалува фондот на наградната игра „Мој ДДВ, моја награда“, согласно со одлуката од денешната седница на Владата. Со оваа одлука се предвидува уплата на средствата во Фондот за помош и поддршка за справување со кризата предизвикана од коронавирусот.
„Со заклучок на Владата, му се препорачува на АД Државна лотарија средствата во износ од 4.383.410,00 денари да ги уплати на донаторската сметка отворена во рамки на Генералниот секретаријат на Владата, а наменета за донации од правни и физички лица за справување со ковид-19 епидемијата. Владата ги задолжи Министерството за финансии, Управата за јавни приходи и Државна лотарија да склучат анекс на договорот за заедничко организирање на наградната игра „Мој ДДВ, мојаНаграда“ и ја задолжи Државна лотарија да ги измени правилата за приредување на наградната игра, така што ќе направи техничко прилагодување за реализација на одлуката“,
соопштија од Владата.