Славјанка Петровска до скоро беше дополнителна заменик-министерка во МВР, а претходно беше шефица на кабинетот на Спасовски додека беше министер
Доскорешната дополнителна заменик-министерка за внатрешниработи Славјанка Петровска од вечерва е пратеничка.
Собранието го верификува нејзиниот мандат како следна кандидатка на кандидатската листа за пратеници на колаицијата „Можеме“ во втората изборна единица, откако претходно беше констатирана оставката на технилкиот премиер во заминување Оливењр Спасовски. Тој беше носител на листа во втората ИЕ, а сега се враќа на чело на Министерството за внатрешни работи – позиција што ја напушти на 3 јануари годинава, кога беше избран за технички премиер. Дотогаш, шефица на неговиот кабинет беше Петровска, кој, при изборот на техничката влада, беше избрана за дополнителна заменик-министерка за внатрешни работи.
Собранието продолжува со констатирање на оставките и на останатите пратеници кои треба да бидат дел од извршната власт. Констатирана е оставката на Мила Царовска, која ќе биде министерка за образование, а на нејзино место од листата на „Можеме“ во првата ИЕ би требало да влезе Снежана Калевска Ванчева, претседателката на Клубот на жени на СДСМ. Претходно беа констатирани оставките и на Зоран Заев, Радмила Шекеринска и Љупчо Николовски.
Останува да бидат констатирани уште оставките на Никола Димитров, Јагода Шахпаска и Насер Нуредини.
Собраниските седници се одржуваат без присуство на ВМРО-ДПМНЕ, Левица, Алтернатива и Алијанса за Албанците.