На конференцијата во Брисел, што се одржува под мотото „Заедно за Албанија“, учествуваат претставници на најмалку 100 земји
На донаторската конференција во Брисел, претседателката на Европската комисија Урсула фон дер Лајен изјави дека Европската унија ќе и даде на Албанија 100 милиони евра за справување со последиците од силниот земјотрес што во ноември минатата година ја погоди земјата. Во таа сума не влегуваат 15 милиони што ги обезбеди Европската комисија.
„Слушнавме за трагични судбини. Ова е приказна за болка и приказна за лекување. Учеството докажува дека сме на ваша страна. Солидарноста спаси животи од оваа албанска трагедија. Потребите на Албанија се огромни и итни. Денеска сме тука да ги видиме и прифатиме нашите обврски кон албанскиот народ. Заедно мора да ја направиме Албанија посилна,
порача Лајен.
Претходно, албанскиот премиер Еди Рама и претседателката на ЕК, потпишаа документ за грант од 15 милиони евра што ЕК ќе ги додели на Албанија.
На донаторската конференција, што се одржува под мотото „Заедно за Албанија,“ учествуваат претставници на најмалку 100 земји.
Амбасадите на Велика Британија и на Шведска во Тирана соопштија дека ќе донираат 5,6 милиони евра.