На останатите гранични премини од македонска страна засега нема подолги задржувања за влез и излез од државата
На граничните премини „Богородица“ и „Дојран“ утринава има зголемена фреквенција на возила, а времето на чекање за излез од државата, според АМСМ, изнесува околу 40 минути.
И камерите во живо на Јавното претпријатие за државни патишта (ЈПДП) поставени на самите премини покажуваат дека на граничните премини има километарски колони возила во сите сообраќајни ленти кои чекаат во правец кон Грција.
За разлика од состојбата на јужната граница, на останатите гранични премини од македонска страна засега нема подолги задржувања за влез и излез од државата. Исто така, од АМСМ информираат дека интензитетот на сообраќај на патните правци надвор од градските средини е умерен.