Во подготовката на новиот закон за работни односи ќе учествуваат сите чинители во општеството – претставници на работниците, работодавачите, Меѓународната организација на трудот, експерти од областа на трудот
Од утре започнува интензивна работа на новиот закон за работни односи, најавија денеска од Министерството за труд и социјална политика, истакнувајќи дека целта е да се создаде нов системски закон кој ќе одговори на потребите на едно современо општество.
Во подготовката на новиот аакон за работни односи ќе учествуваат сите чинители во општеството – претставници на работниците, работодавачите, Меѓународната организација на трудот, експерти од областа на трудот, а како што велат од МТСП, низ отворен дијалог ќе се работи на законско решение кое истовремено ќе обезбеди поголема заштита и унапредување на работничките права и од кое треба да бидат задоволни и работниците и работодавачите.
„Новиот аакон за работни односи ќе биде усогласен со меѓународните стандарди и ќе ја потенцира важноста на социјалниот дијалог. За подготовката на законот, особено е клучна поддршката која Министерството за труд и социјална политика ја добива од Меѓународната организација на трудот“,
велат од Министерството.
Се очекува нацрт-верзијата да биде готова пред започнувањето на годишните одмори, а веднаш по нивното завршување да се отвори широка јавна дебата.