На свеченоста, според соопштението на иницијативниот одбор, поканети се и премиерите на Бугарија и на С Македонија, амбасадори и други гости
Лидерот на опозициската ВМРО-ДПМНЕ, Христијан Мицкоски, в недела ќе присуствува на отворањето на македонскиот културен клуб „Никола Вапцаров“ во Благоевград. Во делегацијата предводена од Мицкоски ќе бидат и пратениците Рашела Мизрахи и Драган Ковачки.
„Покрај оваа делегација, на отворањето на клубот ‘Никола Вапцаров’ ќе присуствува и делегација од партискиот патриотски институт ‘Гоце Делчев’ предводена од Александар Пандов“,
потврдија од ВМРО-ДПМНЕ за „360 степени“, но не одговорија дали е предвидено да има обраќања од некој од присутните.
И покрај проблемите со кои се соочуваше македонскиот клуб во Благоевград „Никола Вапцаров“, тој ќе биде свечено отворен како што беше предвидено, в недела, на 30 октомври.
На свеченоста, според соопштението на иницијативниот одбор, поканети се и премиерите на Бугарија и на С Македонија, амбасадори и други гости.
Македонскиот премиер Димитар Ковачевски нема да присуствува на отворањето на клубот, но ги повика сите граѓани што имаат можност, особено граѓаните од Благоевград и на пограничните места да присуствуваат на отворањето на македонскиот културен клуб во Благоевград и им порача оти ваквите настани ги зближуваат граѓаните.
„Верувам дека отворањето на културни центри меѓу државите е начин на којшто се зближуваат како држави, како институции и како граѓани“,
додаде Ковачевски.
Премиерот посочи дека при отворањето на културните центри треба да се внимава на чувствата на граѓаните, мислејќи на инцидентите кои ги проследија отворањето на бугарскиот културен центар „Иван Михајлов“ во Битола и „Цар Борис Трети“ во Охрид.
Меѓу поканетите на отворањето на клубот е и новоименуваната амбасадорка на РСМ во Софија, Агнеса Руси Поповска.
Клубот е основан од иницијативен комитет, во чиј состав е и Здружението за заштита на основните индивидуални човекови права, а ќе има за цел да ја развива македонската традиционална и модерна култура, да гради културен мост меѓу Македонија и Бугарија и да ги зајакне врските меѓу Македонците и Бугарите ширум светот, велат организаторите на настанот. Од клубот, велат дека очекуваат се да помине во најдобар ред.
Клубот е основан од Иницијативен комитет, во чиј состав е и Здружението за заштита на основните индивидуални човекови права, а ќе има за цел да ја развива македонската традиционална и модерна култура, да гради културен мост меѓу Македонија и Бугарија и да ги зајакне врските меѓу Македонците и Бугарите ширум светот, велат организаторите на настанот.