Лидерот на ВМРО-ДПМНЕ Христијан Мицкоски и претставници на партијата денеска имаа средби со занаетчии од Старата скопска чаршија. Тој самиот ова го најави како старт на подготовките за локални избори.
„Ќе имаме средби насекаде во Македонија со луѓето коишто практично се борат на реален терен со реални проблеми, а не со оние замислени розови очила седнати во дебели кожeни фотелји каде што газат црвени дебели персиски килими во Владата и во министерствата, со скапо платени ПР-агенции да ни кажуваат дека животот е розов, а во суштина реалноста е сосема поинаква, односно би рекол спротивна од она што Владата преку скапо платената пропагандна машинерија се обидува да нѐ убеди“,
рече Мицкоски.