Лидерот на ВМРО-ДПМНЕ, Христијан Мицкоски, во вечерашното гостување во емисијата „Само вистина“ на Канал 5 ТВ оцени дека одлуката на Европската унија за отворање преговори со земјава е историска.
„Секој получекор е добар и тука нема дилема. Тоа е историски чекор за Македонија“,
рече Мицкоски нагласувајќи дека ВМРО-ДПМНЕ уште во 1993 година со резолуцијата поднесена во Собранието се определило дека членството во Унијата е стратешка цел.
Мицкоски го нарече ова и получекор затоа што нема конкретен датум.
Зборувајќи за ЕУ, тој доби и прашање дали ќе имаше датум без Преспанскиот договор.
„Договор со нашиот јужен сосед мораше да се случи бидејќи во 2008 тоа беше причинат за вето. Но, ако ме прашувате дали овој договор мораше да случи, ваков содржински тогаш ќе би речам ‘не’“,
рече Мицкоски посочувајќи дека со ваков договор како што направил Зоран Заев се отвораат многу непознати во иднината на македонскиот народ, нација и држава.
Инаку, како што е познато, во одлкуката за земјава се наведува дека првата меѓувладина конференција треба да се случи „што е можно побрзо“ по усвојувањето на преговарачката рамка, а свое влијание се очекува да има и глобалниот развој на настаните со коронавирусот.