Лидерот на ВМРО-ДПМНЕ вели дека ваквата негова изјава во интервју за А1.он се однесувала на периодот од август до октомври 2019, а не на периодот претходно, кога признава дека имал средба со единствениот осудени досега во случајот „Рекет“
Лидерот на ВМРО-ДПМНЕ Христијан Мицкоски негира дека изјавил дека изјавил оти никогаш не се сретнал со Зоран Милески Кичеец, и вели дека ваквата негова изјава во интервју за А1.он се однесувала на периодот од август до октомври 2019, а не на периодот претходно, кога признава дека имал средба со единствениот осудени досега во случајот „Рекет“.
„Јавно на прес конференција на 16 август, 2019 година на прашање дали сум се сретнал со Зоран Милевски не негирав дека сум се сретнал, напротив, велам дека сум се среќавал со многу слободни граѓани. Но, од тогаш до самото интервју кое се објавува на ‘А1 он’ кое е во октомври 2019 година, кажувам дека сум немал средба што е и вистината“,
напиша Мицкоски вечерва на Фејсбук, откако во јавноста беше цитирана неговата изјава во интервјуто за овој портал.
„Ќе ве потсетам, на прес-конференцијата во август одговорив – цитирам: ‘Сум се гледал со сите слободни граѓани, но суштината е дека власта сака да покаже дека тој Зоки му дал пари на Мицко. Сакаат да ме вмешаат во таа рашомонијада. Еве, дајте доказ дека сум инкриминиран, не треба Рускоска и Реџепагиќ да ме спроведат, сам ќе се пријавам во истражниот затвор Шутка’. Јас и денес стојам на овој став“,
напиша Мицкоски.
Во врска со денеска објавените аудиоснимки на кои се случа неговиот глас и на Милески како Мицкоски вели дека „ова е потег на очај и деликатна емотивна состојба на Зоран Заев каде јасно се гледа и има директни сведоштва дека е поплавен со криминал, корупција и рекет. Ова е и можност јавноста да види дека нема ништо инкриминирачки во тие објавени снимки“.
„Убеден сум дека ако имаше барем една темна дамка во моето минато, денес ќе бев на друго место и немаше ова да го пишувам. Ова ми кажува само едно дека Заев е исплашен од пораз“,
вели Мицкоски и завршува:
„П.С. Благодарност што ми дадовте прилика да се докаже дека нема ниту ‘к’ од криминал. А сега што правиме со трас-трас одлуките, д’гау времето доаѓа!?“,
напиша Мицкоски на Фејсбук.
*Поврзани вести