Европската Комисија ја поздравува политиката на Северна Македонија во делот на зајакнувањето на демократијата, владеењето на правото и борбата против корупцијата, но осврнувајќи се на последните локални избори, европската извршна власт констатира дека напредокот е ограничен во делот на спроведувањето на препораките на ОБСЕ/ОДИХР и Венецијанската комисија. Пред се тоа се однесува на изборното законодавство и усвојувањето на релевантните закони, за кои вели дека треба да се завршат навремено и на инклузивен начин, притоа алудирајќи на измените кои беа донесени непосредно пред изборите
Заклучоците во политичкиот дел од Извештајот на ЕК за Северна Македонија се генерално позитивни, јави МИА од Брисел, при шро објјавува и делови од него до кој дојде на неколку часа пред неговото официјално објавување во Европскиот Парламент.
Европската Комисија ја поздравува политиката на Северна Македонија во делот на зајакнувањето на демократијата, владеењето на правото и борбата против корупцијата, но осврнувајќи се на последните локални избори, европската извршна власт констатира дека напредокот е ограничен во делот на спроведувањето на препораките на ОБСЕ/ОДИХР и Венецијанската комисија. Пред се тоа се однесува на изборното законодавство и усвојувањето на релевантните закони, за кои вели дека треба да се завршат навремено и на инклузивен начин, притоа алудирајќи на измените кои беа донесени непосредно пред изборите.
„Политичките тензии помеѓу партиите не доведоа до ситуации на бојкот како во минатото“,
констатира Европската Комисија која го поздравува ангажманот на опозициските партии во работата на Собранието, но забележува дека поларизацијата е длабока.
„Парламентарната работа беше попречена од политичката поларизација, интензивирана со ковид-19, која повремено имаше последици врз рредовното функционирање. Потребни се напори за зајакнување на улогата на Парламентот како форум за конструктивен политички дијалог, посебно во делот на реформската агенда за ЕУ“,
се вели во извештајот оваа година.
Уште еднаш се посочува на забрзаните процедури на усвојување закони и се повторува дека тие мора да бидат ограничени за да не се загрози демократскиот надзор.
„Власта треба да продолжи со реформскиот момент и да се фокусира на спроведување на постоечката законска рамка наместо да започнува спорадични нови иницијативи. Навремена и суштинска имплементација на реформската агенда бара постојана поддршка од општеството во целост“,
вели Европската Комисија, која додава и дека продолжува да се бара одговорност за насилниот упад во Собранието на 27 април 2017, вклучително и преку првостепени судски одлуки.
Што се однесува до јавната администрација, Европската Комисија констатира „малку напредок“ во финализирањето на хоризонталната функционална ревизија на државната администрација која е важно да биде усвоена од власта.
„Препораките за нова организација на државните административни тела со подобрени канали за отчетност треба да го зајкнат релевантното законодавство кое треба да биде усвоено и спроведено“,
се вели во извештајот што го објавува МИА.
Судскиот систем и борбата против корупцијата оценети со „умерено“
Во делот на судскиот систем се констатира дека е „умерено подготвен“ за членство во ЕУ, со мал напредок.
„Мал напредок е постигнат во однос на спроведувањето на стратегијата за судска реформа со што дополнително се одговара на препораките на Венецијанската комисија и на Експертската група за владеење на правото. Напори сѐ уште се потребни за да се обезбеди систематско спроведување на обновениот акциски план за стратегијата за судски реформи и стратегијата за човечки ресурси за судството и обвинителството“,
оценува Европската Комисија.
Умерена подготвеност се констатира и во борбата против корупција, при што се укажува дека таа го зацврстува процесот на гонење криминал и корупција вклучително и високопрофилирани случаи.
Генерално, законската рамка за човекови права се оценува дека е во согласност со ЕУ стандардите, вклучително и во делот на родово базираното насилство, но се забележува дека земјата треба да го зајакне спроведувањето на законите против говор на омраза.
„Граѓански надзорен механизам врз полицијата не е целосно фунцкионален и отсуството на вистински независни истражители ги попречува напорите за справување со неказнивоста на полицијата и ефективното гонење“,
се вели во Извештајот.
Исто така, се повторува барањето земјата да ги подобри и условите во затворите и да ги зајакне алтернативите за затворски казни.
Слобода на изразување
Во однос на слободата на изразување се констатира ограничен напредок.
„Општиот контекст за медиумски слободи е поволен и дозволува критичко медиумско известување, иако имаше зголемени тензии за време на кризата со ковид-19. Напорите за саморегулација треба да продолжат и да донесат конкретни резултати за напредок на професионалните стандарди во новинарството“,
смета Комисијата.
Се бара поголема транспарентност во рекламирањето од страна на државни институции и политички партии и реформа на МРТВ за да се обезбеди финансиска независност за јавниот сервис, а напредокот во МРТВ е попречен поради назначување на членови во релевантните тела.
„Кризата со ковид-19 имаше силни последици врз медиумскиот сектор, посебно за регионалните и локалните чинители. Медиумските куќи беа вклучени во пакетот за помош, но работничките права на новинарите треба да се решат“,
бара ЕК.