Во периодот од март до август 2020 година, бројот на овие болести се намалил за 35 проценти, а најголем пад има кај вирусните болести што се шират низ респираторниот тракт
Подобрата хигиена и намалениот физички контакт за време на пандемијата на ковид-19 се причина за сериозен пад и на други заразни болести, покажуваат податоците на Институтот „Роберт Кох“.
Во периодот од март до август 2020 година, бројот на овие болести се намалил за 35 проценти, а најголем пад има кај вирусните болести што се шират низ респираторниот тракт.
Случаите на сипаници, на пример, се намалиле за 85,5 проценти, а на голема кашлица – за 63,7 отсто. Слична е состојбата со ширењето на инфекции кои влијаат на гастроинтестиналниот тракт. Болестите предизвикани од ротавируси се намалиле за 83,3 проценти.
Исто така, значително се намалиле и случаите на и гастроентеритисот предизвикан од норовирусот– за 78,7 проценти.
Најголемо намалување на заразни болести има кај најмладите. Кај деца под четири години е 57 проценти, кај деца од 5 до 14 години 45 проценти, а за лица над 80 години 44 отсто.