Прераспределбата е привремена, поради недостиг од кадар на Клиниката. Здравствените работници од Кочани, Велес, Кавадарци и Кичево ќе им помагаат на своите колеги во лекувањето на пациентите со ковид-19, кои се хоспитализирани во Скопје
Седум медицински сестри и техничари од Општата болница во Кочани од утре ќе бидат работно ангажирани на Инфективната клиника во Скопје. Здравствените работници од кочанската Општа болница, како што јави МИА, ќе работат на Инфективната клиника во следните две недели, а ќе им се придружат и нивни колеги од болниците во Велес, Кавадарци и Кичево.
Прераспределбата е привремена и се реализира по барање од Министерството за здравство, поради недостиг од кадар на Клиниката. Здравствените работници од Кочани ќе им помагаат на своите колеги во лекувањето на пациентите заболени од ковид-19, кои се хоспитализирани во Скопје.
„Постапуваме според претходно утврдени упатства од Министерството за здравство и овој одлив на кадар нема да влијае на нормалното функционирање на нашата болница. Располагаме со доволен лекарски и друг медицински персонал, поради што позитивно одговоривме на барањето на ресорното Министерство“,
изјавил Александар Серафимов, директор на Општата болница во Кочани.