Таа е спроведена во затворот „Скопје“ во Шуто Оризари, а против неа ОЈО Гостивар отвори истрага за кривично дело повреда на семејни обврски
Мерка притвор во траење од 30 дена определи судија на претходна постапка од Основниот суд Гостивар на мајката чие дете настрада во пожар во стан во Гостивар, јавни дописникот на МИА.
Таа вчера беше приведена под сомнение дека го врзала седумгодишниот суд со синџир за нозете што го отежнало неговото спасување од огнената стихија.
Од судот за МИА потврдиле дека решението за притвор е изготвено и мајката е испратена во затворот „Скопје“ во Шуто Оризари.
Притворот го бараше Основното јавно обвинителство (ОЈО) Гостивар кое денеска соопшти дека е отворена истрага против мајката поради сомнение за кривично дело повреда на семејни обврски согласно Кривичниот законик.
„Осомничената, во текот на 2021 година, со груба повреда на своите законски семејни обврски го малтретирала своето дете на возраст од 7 години, кое го врзувала со синџир и катанец за креветот. На 16 март, во станот во кој престојувало семејството избувнал пожар, a затоа што било врзано за креветот детето не успеало да го напушти домот и го загубило животот“,
информираше денеска ОЈО Гостивар.
За случајот вчера се огласија и од Центарот за социјална работа (ЦСР) – Гостивар наведувајќи дека досега не се пристигнати никакви пријави или информации за каков било тип родителска негрижа, злоупотреба или несовесно однесување кон кое било дете од семејство.
По пожарот, во кој изгоре домот на семејството, од гостиварскиот ЦСР обезбедија и сместување и соодветна грижа за останатите деца од семејството, а истовремено наведоа дека се пружа и психосоцијална помош и поддршка.