Уапсена мајката на детето што се задуши во пожарот во Гостивар

Основното јавно обвинителство денеска веднаш после пожарот објави шокантни информации дека седумгодишното дете кое се задуши во пожарот утрово било врзано со ланец за нозете

Триесет и петгодишната жена чие дете утрово го загуби животот во пожар во стан во центарот на Гостивар, вечерва е уапсена, соопштија од СВР Тетово.

Дете почина при пожар во зграда во Гостивар

С. Т. од Ресен е однесена во полициска станица некаде околу пладне, откако ѝ била пружена медицинска помош, под сомнение дека сторила кривично дело „повреда на семејни обврски“ (член 203 став 2 од КЗ).

Таму таа најверојатно ќе биде задржана до утре до расветлување на поединости околу трагичниот настан, по што се очекува да биде изведена пред судија на претходна постапка во Основниот суд Гостивар. 

Основното јавно обвинителство денеска веднаш после пожарот објави шокантни информации дека седумгодишното дете кое се задуши во пожарот утрово било врзано со ланец за нозете.

Детето што загина во пожарот во зграда во Гостивар било врзано со синџир на нозете, соопшти ОЈО Гостивар

Ова тие го добиле од лекарскиот тим кој бил на самото место. Потоа од разговор со семејството било дополнително потврдено дека тоа било врзувано, со образложение дека било агресивно. Во домот, освен ова, имало и други деца.

Од Министерството за труд и социјална политика соопштија дека тие помогнале за сместување на семејството но дека немале никакви информации за можно злоупотреби и малтретирања. Најавија дека ќе следи истрага по што ќе се преземат мерки.

Во Центарот за социјална работа досега немало пријава за третманот кон детето што загина во пожарот во Гостивар